呢件事係我一個做電視台o既朋友講畀我知。嘉利大廈大火o既事好轟動，係人都知死o左好多人。呢幢大廈事隔一年仍然封閉徹查，所以成幢大廈根本冇人居住。
有日下午，我朋友食完下午茶正打算收工o既時候，佢o地（突發組）突然勾到差佬線，聽到嘉利大廈又發生火警。呢件事好神奇，因為整幢樓根本冇人住。點解又會著火？我朋友即刻跟線，發現原來係因為十四樓漏電所致，初步估計起因係微波爐漏電！呢層樓，絕對冇可能有人o係度，因為係燒死好多人o既一層，加上所有物品都燒毀，又點會有個微波爐仲可以正常運作？我朋友聽到已經毛骨悚然。呢次係有人報警。呢個人點知嘉利著火？事件追查o左好耐，根本查唔出呢個係咩人！但係最恐懼係電話線來源是上址，時間亦是一年前嘉利大廈起火時…
嘉利慘案的確係人間慘事，除o左係無妄之災外，亦係人為錯失。諗起細個時，住o既大廈亦曾經發生一宗好細o既火警。
嗰時我住o係三樓，樓下帳篷著火，但係已經係半夜兩點。嗰時家家早瞓，十點已經全街冇人。所以半夜有火警根本唔會有人知。但係阿媽突然驚醒，即刻叫齊我同兄弟姐妹走出屋，仲叫醒其他鄰居，大家救火。
事後有人問我阿媽點解咁醒目，原來阿媽半夜瞓到迷糊之際，突然聽見有人叫佢。佢睜開眼，見到有個長髮女垂低頭望住佢。佢好驚。嗰個人同佢講：「你快啲起身，張瞓係我o既。」阿媽想起身但係又起唔到。跟住佢個心唸佛經，隻o野就唔見o左。佢驚到真係企返起身，就望見窗外著火。我只當佢發夢，唔敢肯定佢係咪真係見鬼。
沒有留言:
張貼留言
注意：只有此網誌的成員可以留言。