（本報訊）35歲的梁靖琪(Toby)大前年同有米老公黃敏豪離婚，年半婚姻玩完。之後Toby被指與大隻男陳榮基拍拖，兩人多次被影到單獨約會吃飯，但Toby一直否認戀情。

至今年初，Toby突然在ig放閃，話自己收到好靚的玫瑰花啤啤熊，好開心，唔少網民都留言問她是否蜜運中。原來Toby最近真係拍緊拖，但就唔係傳聞中的大隻男，而係比佢年輕7、8年的小鮮肉。

《蘋果》讀者梁小姐日前爆料，指Toby的新歡名叫Jon Sze，Jon近一、兩個月不停在社交網貼上與Toby的親密合照。今年2月，Toby同Jon與大班朋友去布吉旅行，當中不乏泳裝照，近年愛上運動的Toby身材fit到爆，而Jon亦係肌肉型男，兩隻手臂、腰同腳都有紋身，同行仲有好姊妹鍾麗淇。

Toby同Jon似乎有好多共同興趣，他們會一齊行山、打war game，又會約埋大班朋友食飯，成日都孖公仔咁。話晒係熱戀情侶，他們還會穿情侶裝，手拖住手咁影相，真係sweet到爆。

據聞Jon曾經與鄭少秋女兒詠恩拍拖，而且家底唔錯，家住跑馬地數千萬豪宅；而Toby亦係前無綫高層梁家樹女兒，兩人都可謂門當戶對。

梁靖琪昨日以短訊回覆《蘋果》：「感情生活想保持低調，都係以事業為重，我現在生活得好開心，多謝大家關心！