【now.com】對於食品安全,大家都會好關注,不過除了一些高危食品如海鮮、生肉等,一些預先包裝好的食物都要注意。藝人李思雅(Cindy)今日飲大家常見的麥精時就意外遇到駭人事件:「頭先飲咗一啖之後即刻想嘔,感覺好酸,從來未飲過啲咁難飲嘅飲品。」決定要查個究竟的Cindy打開紙盒,把入面的奶倒出來。
從Cindy上載的相片所見,奶入面有點點黑色,她指黑點為一隻隻螞蟻,非常恐怖,令她「嘔到七彩」!見到包裝上的到期日為17年5月28日,唔知係運送過程還是存放方法有問題,希望Cindy身體上無大礙,同埋記得向有關方面反映,減少同類事情發生喇!