更新時間：15:17 2024-01-10
發佈時間：15:17 2024-01-10
發佈時間：15:17 2024-01-10
綽號「肥仔聰」的演員兼導演林子聰，2012年與拍拖12年、任職芭蕾舞導師的女友Christy結婚，二人在三亞舉行婚禮，三年後造人成功誕下大仔林奕滔（Chester），原來細女菲菲亦已經已5歲大。近日肥仔聰在IG社交網貼出與囡囡菲菲的合照，分享兩父女相處的點滴，為囡囡慶祝5歲生日。
林子聰盼囡囡健康成長
47歲的肥仔聰與圈外太太育有一子一女，不過太太在誕細女時，因早產出現血崩，要切子宮保命，有指囡囡出世時只有手掌般大。肥仔聰的囡囡已經5歲，雖然未有分享一家人慶祝的照片，只有囡囡的單人照，以及肥仔聰的父女照，不過囡囡看起來較似媽媽，而笑容則與肥仔聰如餅印，兩父女的互動非常甜蜜，除了騎膊馬外，二人站在河邊睇風景的姿勢，更是一模一樣。菲菲長得精靈可愛，表情多多又活潑，而且表演慾超強。
肥仔聰留言：「我的女兒五歲了 #菲菲 #快樂地成長 #媽媽爸爸好愛你 #唔好成日嚇爸爸 #爸爸夜晚會好驚 #唔好成日咳 #繼續同哥哥相親相愛」。
最Hit
