葛民輝有苦自己知　扮死屍任人魚肉

藝人葛民輝在新片《夜校》中笑稱得到老友導演劉翁關照，扮演大家也覺得是最筍，沒有對白的死屍角色，阿葛笑言：「導演益我，唔使講對白，任人魚肉，飛天遁地，有特技仲有替身添。」不過，他指其實是有苦自己知：「畀人拖行好辛苦，手要挺直、行淨係可以腳腕郁，導演係高嘅，令我形態演繹上更上一樓。」扮死屍最大挑戰他認為最難是忍口：「成日忍唔住想搭嘴，呢句我想接喎，但又唔可以，連眼都唔可以眨。」

吳肇軒與葛民輝片中則飾演兩父子，在回憶片段中阿葛更帶兒子到夜總會見識，相當繽紛，肇軒嫌兩人首次合作唔夠喉，希望再有機會碰頭，阿葛則讚肇軒交到戲：「見到啲演員有趣，係好想同佢合作，睇吓有咩火花，佢唔係對白接對白，接到你可以交番啲嘢畀你，好似猜乒乓波咁。」

首次拍電影的陳伊霖指開工相當緊張但慶幸角色不算太難演：「劇本唔算好難做，口係嗌吓，但係我哋都係真心嗌出嚟，好似一半係真一騷咁做。」 阿葛則笑言：「呢啲老手先咁講。」