狀王之王丨林子聰憶太太產女幾乎一屍兩命 6個月胎兒白車出世：仔女健康就無憾

劇集《狀王之王》正在熱播，48歲的林子聰集編劇、導演、監製及演員於一身，近日他接受商台《星光背後》專訪，他當年由TVB《城巿追擊》編劇入行，後來因谷德昭介紹下而認識周星馳，從而變身《少林足球》六師弟成名。「最初唔係我去做，當時係仲搵緊人，但一直cast唔啱，是有次畀周星馳見到我啲『好論盡』事，到拍前攝前一晚就話叫我去做。我話唔好玩啦，佢就話：『咩玩阿？聽日就拍啦，你諗清楚呀！』，嗰晚就立即叫服裝半夜幫我車件戲服。第二日去到現場，佢就叫我望住鐵絲網話：『我而家俾30秒你，你自己諗下得唔得！唔得話我知！唔好嘥我啲菲林！』我諗咗一輪，套戲係佢，佢都未驚，點解我要驚？就開始咗演員呢條路。」

《講你都唔信》丨林子聰拍《少林足球》吊威也險斷腳 盧惠光台灣拍戲遭古裝女鬼叉頸索命【下一頁】

{{hket:inline-image name="68d89191ly1hmkv6ixasbj215s0rudis.jpg"}}{{/hket:inline-image}}

{{hket:inline-image name="68d89191gy1hmalmzxy0dj235s23w7g1.jpg"}}{{/hket:inline-image}}

{{hket:inline-image name="426558864_18255446140235123_7674996390797684671_n.jpg"}}{{/hket:inline-image}}

{{hket:inline-image name="LAM.JPG"}}{{/hket:inline-image}}

林子聰大爆第一場戲就是激吻田雞（田啟文）奪回雞蛋的經典場口，「我熒幕初吻就拔畀咗田雞，個劇本我有份度清楚要做咩嘢，所以冇猶豫豁出去演，不過拍完之後個幾晚同田雞有少少面阻阻，無計啦，因為都咀咗好幾次，我哋又同房。」由《少林足球》到2017年《西遊伏妖篇》，肥仔聰與周星馳合作無間，外間形容周星馳很嚴厲、很惡，他亦認同：「係呀！而家都係，佢係惡，係無可否認！我梗係有被鬧過啦，係被佢剷到飛天添，但諗深一層，點解佢要鬧你先？如果你唔做錯，佢唔會無啦啦搵啲嘢嚟特登話你。佢有個口頭嬋，就係『你係咪真係明呀？』係要你好清楚去做每件事，對我就冇咩嘢，鬧吓鬧吓就慣啦。」他又指與周星馳創作時笑聲不斷，過程很歡樂。

從小到大，肥仔聰直認從沒變瘦的階段，至於身型有否阻礙過其感情生活？他自信地說：「過往只要我認真去追嘅女仔，都係一定得嘅！」肥仔聰太太Christy是芭蕾舞家，二人2000年認識，交往12年於2012年結婚，至今育有一對子女，分別是9歲及5歲。談及當年未成名能追到漂亮的太太，「最初係我朋友想認識我太太，第一眼見到佢，我係暈一暈，係我人生唯一一次，真係有觸電嘅感覺。最後佢同我朋友冇感覺，係我展開猛烈攻勢打動佢。當時冇錢呀，但我哋有共同嗜好，就係搵平嘢食。」

肥仔聰爆星爺有煩惱【下一頁】

《少林足球》爆紅後，肥仔大部份時間於內地工作，長期與太太分隔兩地，到底如何維繫關係，他坦言：「頭幾年，佢都擔心我會有狂蜂浪蝶，但自從電話科技發達有facetime，佢就明白我真係冇咩嗜好，我唔會同劇組住，習慣一個人住開，收工就返自己房同我老表助手打機。久而久之，太太見我每日都一樣，就冇再擔心啦。」他更指每次於內地一完成拍攝便立即返港見家人，給太太很大安全感。

肥仔聰形容家庭幸福美滿，但這位顧家好爸爸的4歲孻女得來不易，原來太太懷第二胎時出現「植入式胎盤」情況，太太差點難產一屍兩命，「囡囡差唔多六個月突然要出世，嗰時已經叫咗白車，但都等唔切去醫院，係喺白車（救護車）出世。」囡囡出世時不足兩磅，而太太誕下囡囡時一度要搶救，「太太喺救護車已經大量出血，心臟一度停咗一分鐘，阿女出世時亦唔夠兩磅，可能個天對我好好，太太最後搶救成功，第二朝就醒番。」肥仔聰指待太太轉醒回家才不禁留下男兒淚，他形容2019年初細女出世是他人生最大考驗，「諗番起係人生考驗，點跨過？人能力有限，只能盡做，每次去醫院探細女都只能隔住氧氣箱，盡量同佢傾偈。」最後太太留醫十日，囡囡要住氧氣箱三個月變回健康出院，至今看著大仔細女均健康成長，肥仔聰坦言人生沒有任何遺憾。

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組