蔡一傑首度談前女友
伍詠薇主持的有線節目《伍姑娘真識食》,找來與她相識十九年的老友蔡一傑擔任嘉賓,二人以“愛人”相稱,無所不談。
伍姑娘因擔任《失樂園》的MV女主角而認識蔡一傑,談到相識經過,二人雞啄唔斷。伍姑娘表示:“當年知道可以同草蜢拍MV,真係好興奮,我仲自薦戴胸圍性感演出,出動全屋的胸圍畀導演揀。拍攝時蔡一傑一直叫我‘鹹濕啲,鹹濕啲!’嫌我演繹唔到女性嗰種媚態!”
伍姑娘大爆傑仔近年好Dry,傑仔坦言:“三十八至四十四歲時曾經好想拍拖,依家已經唔再計較,唔會指定某一條件、身材去搵對象。”伍姑娘笑指傑仔太冇要求,勸他不要放棄自己。傑仔表示:“冇計,我畀啲記者寫到男男女女都唔敢埋身,個個以為我封咗盤。再係咁我遲啲要去相睇,我依家公開呼籲,如果你覺得自己適合我,歡迎Approach我!”
傑仔又首次開腔談及前女友,“我未入行已有一個大我兩年嘅圈外女友,好多熟朋友都知,拍咗十八年。直到有段時間,自己事業上遇到瓶頸,睇唔到方向,加上種種因素,大家就自然分手。”伍姑娘聽罷大嘆可惜,傑仔則表示:“有時行唔到最後,都可以做朋友。”他更坦承那段關係結束後,便沒有再拍拖了。
留言