馬浚偉邀陳小芝回巢葉文輝升任創作總監 新城超多改革但絕不裁員

52歲的馬浚偉日前加入新城電台擔任廣播首席營運總監，上星期他首日上班就表示已有很多大計，第一炮是邀請前新城DJ陳小芝回巢出任「數碼媒體及業務拓展總經理」，至於現任招牌DJ葉文輝則升職任「創作總監及節目主持」。

馬浚偉一上任就邀請前新城DJ陳小芝回巢出任「數碼媒體及業務拓展總經理」，及安排葉文輝升職任「創作總監及節目主持」。

 

馬浚偉表示絕對唔會裁員。

 

今日（15日）與葉文輝及陳小芝現身新城電台的馬𠗕偉表示仍在適應新工作，雖然自己每朝8點回到公司，但沒強迫員工幾點返工，而他也拒絕員工將工作帶回屋企，因他覺得收工後就要好好休息，馬浚偉指公司仍會有很多改革及新計劃，當中包括內部調整及工作晉升等，亦會有人加入，不過他暫時不會透露是誰，待2月15日公司進行團拜及節目巡禮，才會公布新方向及嘉賓。至於已在新城26年的葉文輝透露雖然中間與新城轉合作模式，但今次已轉成正職：「多謝馬生賞識，佢係我伯樂，都多謝新城，令我生活、屋企人、同工作方面都見到曙光。」提到今次晉升是否有加人工，他則笑指「人工好開心」。

 

葉文輝稱馬浚偉是他伯樂。

 

陳小芝則多謝馬浚偉帶她返娘家，不過她謂因工作關係，短期內亦不會開咪。馬浚偉指陳小芝現時主力做業務拓展及新媒體等工作，而日後新城在行銷方面則會比以往做得更好更主動，問到會否裁員？他說：「我哋所謂嘅改革全部都係內部增強，係開心嘢，資訊台亦會有好多新動作，我哋唔會裁員，對我嚟講裁員係一個消極發展方法，我依家亦睇唔到有呢個需要，但亦唔會刻意加人，我覺得內部整合比較需要，搵更加啱嘅位畀同事係更加重要，等佢哋有多啲發揮機會，自問呢個都係小弟嘅強項，當佢喺一個啱嘅地方，可以做多樣嘢嘅時候，佢嘅價值又增大。」馬𠗕偉又謂加入新城後是新一年度，所以加薪方面就要等待出年，現時專注做好2024的節目。

陳小芝短期內不會開咪。

 

《星島頭條》新網站有更多精彩內容：http://www.stheadline.com/

 

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。