樂隊Mr.結他手黎澤恩爆曾交6至7萬稅　疫情零收入做地產代理搵食

本地樂隊Mr.曾獲譚詠麟稱讚似溫拿樂隊，2009年推出《如果我是陳奕迅》一炮而紅，更四度踏足紅館，可惜近年傳出成員不和，一度「散Band」，近年更鮮有以樂隊形式推出新歌。

近日結他手黎澤恩（Ronny）接受內地自媒體訪問，爆出最勁時一年「交6、7萬蚊稅」，試過月收最多6、7萬，他坦言：「因為我哋係樂隊，5個人分，30幾萬一個月，除返開都5個人，所以聽上去好少。」他又認為一個成年人在香港生活，一個月使費最少2萬元。

Ronny曾受訪透露，疫情期間零表演零收入，因而轉型嘗試演戲，並考獲各行業牌照，又撈過界做地產代理，由零做起，相當不容易。