現年45歲的宋芝齡與62歲安德尊的緋聞傳足多年，「戀人」關係疑幻疑真，雖然多年來兩人未有正式承認關係，不過早已被外界視為一對！踏入2024年，宋芝齡與安德尊又再「洩蜜」，今日（2日）宋芝齡在IG貼上一段短片並留言：「2024年開工兼開年！」
相關閱讀：宋芝齡安德尊終「開花結果」拜堂成親？ 收長輩order要日日夜夜密密做
宋芝齡為乜事要打安德尊？
宋芝齡與安德尊雖然兩人曾被發現到私竇密會，但至今都未有承認關係，不過在外界眼中，早已視他們為一對，難得兩人從不避忌，經常玩到「攬頭攬頸」，甚至又試過拜堂結婚！
今日（2日）宋芝齡在IG貼上一段短片，片中見宋芝齡與安德尊齊齊為《流行都市》開工，兩人坐在一張雙人梳化上，似十足老夫老妻，宋芝齡大玩默劇兼由一把男聲配音，她說：「BB，點解你會有呢條綠色呔？我准許你戴呢條綠色呔咩？講嘢喇！」接着宋芝齡一手打落安德尊的咀上，清楚聽到「啪」一聲，嚇到安德尊成個人彈起，連負責配音的男聲亦忍不住說：「嘩，咁大鑊，真係架？我嚇親呀！」
宋芝齡安德尊終「開花結果」拜堂成親？
雖然鏡頭前看到安德尊笑笑口面向鏡頭，不過宋芝齡的下場認真「淒慘」，她的大髀被打到紅腫，真係連睇片都覺得痛！其實這對緋聞男女，多年來在鏡頭前似十足歡喜冤家，不時鬥咀兼動手動腳，但轉個頭又可以攬頭攬頸，已經深得觀眾受落。在安德尊的62歲生日時，安德尊已經毫不忌諱一手將宋芝齡擁入懷中，兼公然大大力打宋芝齡大髀，表現相當親暱，儼如「女主人」一樣。搞到嘉賓黑妹（李麗霞）都被場面搞到毛管戙：「我識安德尊咁耐，我未見過佢同一個女性嘅朋友有咁親密嘅行為，第一次咋細佬。
其他文章：
流行都市｜安德尊煩膠駁嘴惹緋聞女友宋芝齡發火 李家鼎高EQ面對獲讚好修養
方太現身《流行都市》大爆當年教煮餸秘聞 曾與安德尊合作稱讚後生好乖又照顧人
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
