香港文匯報訊（記者 阿祖）陳煒最近為醫美品牌拍攝廣告演繹多個不同造型，展現百變形象。今次廣告主題鼓勵大家要學懂欣賞及發掘自己的美，呈現大都會女性最真我、真自信的寫照。其中煒哥三個造型率先曝光，有全白西裝造型「職場強人」、以女神長裙展現完美曲線「女神約會」及男裝白恤衫慵懶地半躺床上的「枕畔情人」。

三個造型之中，煒哥表示「枕畔情人」最具挑戰：「攝影師初初同我講，話要影床照，影我瞓醒後嘅樣，我初初都好怕達唔到佢嘅要求，驚Carry唔到佢想要嘅，估唔到影出嚟都有啲少女情懷，哈哈。」

問到煒哥於拍攝前有什麼準備？煒哥表示當初都好擔心，因為農曆年期間去過多倫多登台，主辦單位派專人每日帶她跟她老公去不同地方食好嘢，但為了要保持身形都只能夠乖乖忍口輕輕淺嚐，不敢放肆地開懷大嚼。加上廣告拍攝日期在大年初六，她年初四才返到香港，時間其實好緊迫，怕時差影響狀態：「好彩拍攝當日狀態都好好，每影一張相，現場嘅工作人員都會不斷歡呼讚靚，俾咗好多信心我，拍攝得好順利自己都好滿意。」