Sampung bagay na alam naming totoo

Una naming isinulat ang “10 bagay” na ito noong ilang taon pa lang ang Google. Pana-panahon naming binabalikan ang listahang ito upang makita kung totoo pa rin ito. Umaasa kaming totoo pa rin ito–at makaaasa ka sa amin dito.

  1. Nagsisimula ang lahat sa pagtutuon sa user.

    Mula pa noong una, nakatuon na kami sa pagbibigay ng pinakamahusay na karanasan ng user na posible. Maging ang pagdidisenyo namin ng bagong browser sa Internet o ang bagong pag-aayos sa hitsura ng homepage, masusi naming tinitiyak na ito ay tuluyang magiging kapaki-pakinabang para sa iyo, sa halip na para sa aming panloob na layunin o bottom line. Malinaw at simple ang interface ng aming homepage, at agad-agad na naglo-load ang mga page. Hindi kailanman ibinebenta sa kahit sino ang placement sa mga resulta ng paghahanap, at hindi lang isinasaad nang malinaw ang advertising, nagbibigay rin ito ng makabuluhang content at hindi ito nakakasagabal. At kapag bumubuo kami ng mga bagong tool at application, naniniwala kaming dapat gumana ang mga ito nang napakahusay nang sa gayon ay hindi mo na kailangang isipin kung paano pa maaaring idisenyo ito.

  2. Pinakamabuting gumawa ng isang bagay nang napakahusay.

    Naghahanap kami. Kasama ng isa sa mga pinakamalaking pangkat sa pagsasaliksik sa buong mundo na eksklusibong nakatuon sa paglulutas ng mga problema sa paghahanap, alam naming mahusay ang ginagawa namin, at kung paano namin higit na mapapabuti ito. Sa pamamagitan ng patuloy na pagsasanay sa mahihirap na problema, nagawa naming malutas ang mga kumplikadong isyu at magbigay ng tuluy-tuloy na pagpapahusay sa isang serbisyo na ginagawa nang mabilis at walang-patid ang karanasan ng paghahanap ng impormasyon para sa milyun-milyong tao. Nakakatulong ang aming pagtuon sa pagpapahusay ng paghahanp upang ma-apply namin ang aming mga natutunan sa mga bagong produkto, tulad ng Gmail at Google Maps. Pangarap naming dalhin ang kapangyarhian ng paghahanap sa mga lugar na hindi pa nararating, at tulungan ang mga taong ma-access at magamit ang higit pa sa lumalawak na impormasyon sa kanilang mga buhay.

  3. Mas mabuti ang mabilis kaysa mabagal.

    Alam naming mahalaga ang iyong oras, kaya kapag naghahanap ka ng sagot sa web gusto mo itong makuha agad-agad–at layunin naming makapagpasaya. Maaaring kami lang ang mga tao sa mundo na makakapagsabi na layunin naming makaalis ang mga tao sa aming homepage nang mabilis hangga't maaari. Sa pamamagitan ng pag-aalis ng mga sobrang bit at byte sa aming mga page at pagpapataas ng kahusayan ng aming paghahatid ng impormasyon, maraming beses na naming nalampasan ang aming mga sariling talaan sa bilis, nang sa gayon ay ang average na oras ng pagtugon sa isang resulta ng paghahanap ay isang bahagi ng isang segundo. Isinaalang-alang namin ang bilis sa bawat bagong produktong inilalabas namin, maging application man ito sa mobile o Google Chrome, isang browser na idinisenyo upang maging sapat na mabilis para sa mabakabagong web. At patuloy kaming nagsusumikap na gawing mas mabilis ang lahat ng ito.

  4. Gumagana ang demokrasya sa web.

    Gumagana ang paghahanap sa Google dahil nakasalalay ito sa milyun-milyong indibidwal na nagpo-post ng mga link sa mga website na nakakatulong na matukoy kung aling iba pang mga site ang nagbibigay ng makabuluhang content. Ina-assess namin ang kahalagahan ng bawat web page gamit ang higit sa 200 signal at iba't ibang pamamaraan, kabilang ang aming naka-patent na algorithm ng PageRank™, na sinusuri kung aling mga site ang “binoto” bilang mga pinakamagandang pinagkukunan ng impormasyon ng iba pang mga page sa kabuuan ng web. Sa paglaki ng web, talagang humuhusay ang pamamaraang ito, dahil ang bawat isang site ay isa pang pinanggagalingan ng impormasyon at isa pang botong bibilangin. Gayundin, aktibo kami sa pag-develop ng open source na software, kung saan nagaganap ang makabagong paraan sa pamamagitan ng pagtutulungan at pagsusumikap ng napakaraming programmer.

  5. Hindi mo kailangang gumamit ng desktop computer upang maghanap ng sagot.

    Nagiging mas mobile ang mundo: gusto ng mga tao ng access sa impormasyon kahit nasaan sila, anumang oras nila kailanganin. Pinapangunahan namin ang mga bagong teknolohiya at nagbibigay ng mga bagong solusyon para sa mga mobile na serbisyo na nakakatulong sa lahat ng tao sa buong mundo na makagawa ng iba't ibang bagay sa kanilang phone, mula sa pagbasa ng email at mga kaganapan sa kalendaryo hanggang sa panonood ng mga video, bukod pa sa iba't ibang paraan ng pag-access sa paghahanap sa Google sa isang phone. Maliban pa rito, pinapangarap naming palakasin ang pagiging makabago para sa mga user ng mobile sa lahat ng sulok ng mundo gamit ang Android, isang libre at open source na platform ng mobile. Dinadala ng Android ang kalayaan na humubog sa Internet papunta sa mundo ng mobile. Hindi lang kapaki-pakinabang ang Android sa mga consumer, na may mas maraming pagpipilian at makabagong karanasan sa mobile, nagbibigay-daan din ito sa mga pagkakataon sa pagnenegosyo para sa mga carrier, manufacturer at developer.

  6. Maaari kang kumita nang hindi gumagawa nang masama.

    Ang Google ay isang negosyo. Ang kitang nakukuha namin ay nagmumula sa pag-aalok ng teknolohiya sa paghahanap sa mga kumpanya, at mula sa benta sa advertising na lumalabas sa iyong site at sa iba pang mga site sa kabuuan ng web. Ginagamit ng daan-libong advertiser sa buong mundo ang AdWords upang i-promote ang kanilang produkto; sinasamantala ng daan-libong publisher ang aming programang AdSense upang maghatid ng mga ad na nauugnay sa kanilang content sa site. Upang tiyakin na pinagsisilbihan namin ang lahat ng aming user (maging mga advertiser man sila o hindi), mayroon kaming ilang panuntunan sa paggabay para sa aming mga programa at kagawian sa advertising:

    • Hindi namin pinapayagan ang pagpapalabas ng mga ad sa aming mga page ng mga resulta maliban kung may-katuturan ang mga ito sa kung saan ipinapakita ang mga ito. At talagang naniniwala kaming ang mga ad ay nakakapagbigay ng kapaki-pakinabang na impormasyon kung, at tanging kung, may-katuturan ang mga ito sa kung ano ang gusto mong mahanap–kaya posibleng hindi mapunta sa anumang mga ad ang ilang paghahanap.

    • Naniniwala kami na maaaring maging mabisa ang advertising nang hindi nagiging magarbo. Hindi kami tumatanggap ng pop–up na advertising, na nakakasagabal sa iyong kakayahang makita ang content na hiniling mo. Nalaman namin na ang mga text ad na may-katuturan sa taong nagbabasa ng mga ito ay nakakakuha ng mas matataas na clickthrough rate kaysa mga ad na lumalabas nang random. Ang sinumang advertiser, maliit man o malaki, ay maaaring makinabang sa mariing tina-target na medium na ito.

    • Palaging malinaw na tinutukoy bilang “Naka-sponsor na Link” ang advertising sa Google, kaya hindi ito nakakaapekto sa integridad ng aming mga resulta ng paghahanap. Hindi namin kailanman pinapakailaman ang mga pagraranggo upang mailagay ang aming mga kasosyo sa mas mataas na posisyon sa aming mga resulta ng paghahanap, at walang sinuman ang makakabili ng mas mataas na PageRank. Pinagkakatiwalaan ng mga user ang aming pagiging patas, at walang anumang madaliang pagyaman ang makakapagbigay-katuwiran sa pagsira sa tiwalang iyon.

  7. Palaging may higit pang impormasyon saanman.

    Noong nakapag-index na kami ng higit pang mga HTML page kumpara sa anumang iba pang serbisyo sa paghahanap, pinagtuunan ng aming mga engineer ang mga impormasyon na hindi madaling ma-access noong una. Kung minsan, nangangahulugan lang ito ng pagsasama ng mga bagong database sa paghahanap, gaya ng pagdaragdag ng numero ng telepono at address at isang direktoryo ng negosyo. Ang iba naman ay nangailangan ng kaunting pagkamalikhain, gaya ng pagdaragdag ng kakayahang maghanap ng mga archive ng balita, mga patent, mga academic journal, bilyun-biyong larawan at milyun-milyong aklat. At ang aming mga mananaliksik ay patuloy na naghahanap ng mga paraan upang madala ang impormasyon ng buong mundo sa mga taong naghahanap ng mga sagot.

  8. Ang pangangailangan sa impormasyon ay laganap sa lahat ng lugar.

    Itinatag ang aming kumpanya sa California, ngunit ang aming layunin ay ang padaliin ang access sa impormasyon sa buong mundo, at sa bawat wika. Buhat nito, mayroon kaming mga tanggapan sa higit 60 bansa, nagpapanatili ng higit sa 180 domain sa Internet, at naghahatid ng higit pa sa kalahati ng aming mga resulta sa mga taong naninirahan sa labas ng Estados Unidos. Inaalok namin ang interface ng paghahanap ng Google sa higit 130 wika, binibigyan ang mga tao ng kakayahang paghigpitan ang mga resulta sa content na nakasulat sa kanilang sariling wika, at naglalayong ibigay ang lahat ng iba sa aming application sa maraming wika at naa-access na format na posible. Gamit ang aming mga tool sa pagsasaling-wika, makakatuklas ang mga tao ng content na nakasulat sa kabilang panig ng mundo sa mga wikang hindi nila sinasalita. Sa mga tool na ito at sa tulong ng mga boluntaryong tagapagsaling-wika, nagawa naming higit na mapahusay ang pagkakaiba at kalidad ng mga serbisyong maaalok namin kahit sa pinakamalalayong sulok ng mundo.

  9. Maaari kang maging seryoso nang hindi nagbibihis-seryoso.

    Binuo ng aming mga tagapagtatag ang Google na tukoy sa ideya na dapat na maging mapanghamon ang trabaho, at dapat na masaya ang hamon. Naniniwala kami na ang mga mahusay at malikhaing bagay ay mas malamang na maganap sa tamang kultura ng kumpanya–at hindi lang ito nangangahulugan ng mga lava lamp at rubber ball. Binibigyang-diin ang mga pagkamit ng layunin ng mga team at pagmamalaki sa mga indibidwal na tagumpay na bumubuo sa aming kabuuang tagumpay. Pinagkakatiwalaan namin ang aming mga empleyado–mga masigasig, masidhing tao mula sa iba't ibang pinagmulan na mayroong malilikhaing pamamaraan sa trabaho, laro at buhay. Maaaring kaswal ang aming paligid, ngunit habang pumapasok ang mga bagong ideya sa pila sa café, sa pagpupulong ng team o sa gym, pinagpapalitan ang mga ito, sinusubukan at isinasagawa nang napakabilis–at maaaring maging simula ang mga ito para sa bagong proyektong nakalaan para sa paggamit ng buong mundo.

  10. Hindi sapat ang mahusay.

    Para sa amin, ang pagiging mahusay ay isang punto ng pagsisimula, at hindi isang layunin. Nagtatakda kami ng mga layunin para sa aming mga sarili na alam naming hindi pa namin maaabot, dahil alam namin na sa pamamagitan ng pagsusumikap sa pag-abot ng mga ito, makakagawa kami nang mas maraming bagay kaysa sa inaasahan. Sa pamamagitan ng pagiging makabago at pagsasanay, nilalayon naming gamitin ang mga bagay na gumagana nang mahusay at pahusayin ang mga ito sa mga di-inaasahang paraan. Halimbawa, noong nalaman ng isa sa aming mga engineer na gumagana nang mabuti ang paghahanap para sa mga salitang binaybay nang wasto, inisip niya kung paano ito gagana sa mga salitang may maling pagbabaybay. Nagbigay-daan ito sa kanya upang guamawa ng isang spell checker na madaling gamitin at unawain.

    Kahit na hindi mo alam kung ano ang eksakto mong hinahanap, ang paghahanap ng sagot ay problema namin, at hindi sa iyo. Sinusubukan naming pangunahan ang mga pangangailangang hindi pa naipapahayag ng aming audience sa buong mundo, at tinutugunan namin ang mga ito sa pamamagitan ng mga produkto at serbisyo na nagsisilbing mga bagong pamantayan. Noong inilunsad namin ang Gmail, mas marami ang espasyo ng storage nito kaysa sa anumang iba pang serbisyo sa email na available. Kung iisipin, mukhang dapat ay matagal nang inalok ito–ngunit dahil sa ngayon, mayroon kaming mga bagong pamantayan para sa storage ng email. Iyon ang mga uri ng mga pagbabagong nilalayon naming magawa, at patuloy kaming naghahanap ng mga pagkakataon upang makapagdulot ng pagbabago. Bilang pangwakas, ang aming hindi pagkakuntento sa mga bagay-bagay ang nag-iimpluwensya sa lahat ng ginagawa namin.

Privacy

Ang aming Patakaran sa Privacy, mga tool at higit pa tungkol sa pamamahala ng iyong impormasyon sa Google.

Higit pa

Seguridad

Ang aming diskarte sa seguridad, at kung paano mag-ulat ng isyu sa seguridad.

Higit pa

Mga patakaran sa software

Ang aming paninidigan laban sa mapanlinlang na software sa Internet.

Higit pa

Patakaran sa hindi gustong software

Ang aming pamantayan para sa user-friendly na software sa web.

Higit pa

Daloy ng supply

Ang aming paninindigan sa responsableng paggawa

Higit pa